Todo é gratis

Hai unha serie de cousas que realmente me molestan da dereita e/ou os conservadores en termos xerais.

A esquerda ten no seu haber unha serie de avances realmente importantes para a sociedade que de tan cotidiás pasan inadvertidos. Podemos citar simplemente a liberdade sexual, o divorcio, etc. Hoxe cando dúas persoas (se son de distinto sexo máis doado, claro) se aman ou se gustan simplemente poden facer o que queiran, poden foder un par de noites, unha tempada, irse vivir xuntos sen máis, poden separarse en calquera momento, poden volverse xuntar con outras persoas, un casa e pódese divorciar, voltar a casar.... cousas completamente normais. Os conservadores, coa igrexa como aliada, sempre se opoñen a este tipo de cousas ata que un día de xeito completamente natural se suman ao carro. Gratis, como se nada tivera pasado. Pois non señor, se eres un facha e conservador te casas, inda que sexa cunha divorciada. Fodeste. Nada de ir a ver ao Papa de Roma coa tua moza sen ter unha situación regular ante os ollos da igrexa. Esto vai por Feijoo. Ou por Sarkozy. Ou por Álvarez Cascos. Ou tantos outros.
Do mesmo xeito que se te foden os matrimonios gays, ou a súa visibilidade en xeral, fódeste de novo e non metas ningún gay no teu goberno. Se non, renucia pública e explícitamente as posicións retrógradas do teu partido
Ou do mesmo xeito que é alucinante que determinadas mulleres, por exemplo no Tea Party en Estados Unidos cheguen a posicións de liderezgo con discursos brutalmente reaccionarios. Sintoo de novo, esas mulleres deberan estar na súa casa coidando os nenos e facendo pasteis de mazá porque non hai demasiado tempo as mulleres non podían votar nin facer nada. O sufraxio universal non é para elas. Se eres facha, érelo con todas as súas consecuencias.